fbpx

ប្រសិនបើអ្នក​ចង់​ទាក់ទាញ​ចិត្តអតិថិជន​ឱ្យ​នៅតែ​មករកសេវាកម្ម​​​របស់អ្នក​កាន់តែ​ច្រើន​ឡើងនោះ អ្នក​មិនគួរ​មើលរំលង​នូវគន្លឹះសំខាន់៧​​ចំណុច ដែលមានសរសេរនៅក្នុងសៀវភៅមួយ មានចំណងជើងថា ការ​ផ្តល់សេវាកម្មដល់​អតិថិជន​ដ៏​មានប្រសិទ្ធភាព​ ​ (Quality Customers Services)។ គន្លឹះទាំង៧រួមមាន៖

១.ស្គាល់​ថា​នរណា​ថៅ​ហ្វាយ​ពិតបា្រកដ​៖ បើ​អ្នកកំពុងតែ​ធ្វើអាជីវកម្ម​ ​អ្នកត្រូវ​ដឹង​ថាអតិថិជន​ចង់បានឬ​ត្រូវការអ្វី? ​ដើម្បី​ដឹង​បាននោះ អ្នកត្រូវតែ​​ស្តាប់​ពួកគាត់​ ​ ដូច្នេះ ​អ្នកនឹងអាច​ផ្តល់សេវាកម្មដ៏ល្អជូន​ពួកគាត់ ដើម្បី​ទាក់ទាញ​ចិត្ត​ពួកគាត់មិនឱ្យ​បំភ្លេចពីសេវាកម្មរបស់អ្នក​។​ ដូច្នេះចូលកុំភ្លេចថា អតិថិជនគឺជា​អ្នក​បើកប្រាក់ខែ ​​និង​ធ្វើ​ឱ្យការងាររបស់អ្នកដើរទៅមុខ។​​

២. ធ្វើ​ជា​អ្នក​ស្តាប់ដ៏ល្អ​៖ អ្នកត្រូវស្តាប់​ដោយ​យកចិត្ត​ទុកដាក់បំផុត ​ដើម្បីកំណត់​ឱ្យបាន​ច្បាស់​ថា​អតិថិជន​ត្រូវការអី្វ​ខ្លះ​ ប្រសិនជាមិនច្បាស់​ត្រូវសួរបញ្ជាក់​បន្ថែម​ ចៀសវាង​ការខុស​ ដែលធ្វើឱ្យ​ប៉ះពាល់អារម្មណ៍​អតិថិជន​។ ​

. ចេះ​ស្មាន​តម្រូវការអតិថិជន​ អ្នក​ត្រូវចេះសង្កេត​មើលអតិថិជន​តាំងតែពី​ពេល​​ដែល​ ពួកគាត់បានដើរចូលមក​ក្នុងកន្លែង​របស់អ្នក ​ថាតើពួកគាត់ជាមនុស្សប្រភេទណា ហើយ​ចូល​មកទំនង​ជាត្រូវការសេវាកម្មអី្វពីអ្នក។​

7 elements of quality Customers Services
  • Facebook
  • Twitter
  • Google+
  • LinkedIn
  • Pinterest

៤​. ធ្វើឱ្យ​​អតិថិជន​គិត​ថា​ពួកគាត់សំខាន់សម្រាប់​អ្នក អ្នក​គួរតែ​បម្រើ​​ពួកគាត់​ឱ្យ​ដូចជា​មនុស្សដែល​អ្នកស្គាល់ ​និង​គោរពស្រឡាញ់​ ហើយ​រកមធ្យោបាយ​សរសើរ​នូវចំណុចល្អ​របស់ពួកគាត់​​ ដោយភាពស្មោះត្រង់ ពីព្រោះ​មនុស្សភាគច្រើន​គេ​ឱ្យតម្លៃ​លើចំណុចនេះ​។ ប្រសិនជា​អ្នកអាចធ្វើបាននោះ ពួកគាត់នឹងមានទំនុកចិត្តមកលើអ្នក និ​ង​ប្រើប្រាស់​សេវាកម្មរបស់អ្នកកាន់តែច្រើន។

. ​ជួយអតិថិជនឱ្យដឹង​ពី​របៀបប្រើប្រាស់សេវារបស់អ្នក ៖​ ប្រសិន​បើកន្លែង​របស់អ្នក​មាន​ប្រព័ន្ធល្អឥតខ្ចោះ​ក្នុងការ​បម្រើអតិថិជនក៏ដោយ តែបើពួកគាត់​មិនយល់ពីរបៀបប្រើប្រាស់​ ឬ​របៀប​រប​បម្រើរបស់អ្នកនោះ​ វាក៏មិនល្អដែរ ព្រោះ​វា​អាច​នឹងធ្វើឱ្យពួកគាត់យល់ច្រឡំ​ ហើយ​ខឹងឈប់មក​កន្លែង​របស់​អ្នក។

៦. ចេះ​ពីរបៀបសុំទោស​៖ នៅពេលមាន​កំហុស​អ្វីមួយ​កើត​ឡើង​ គួរ​តែមានការ​សុំទោស ​និង​​ដោះស្រាយ​ភ្លាម​ៗ ​ដោយយកចិត្តទុកដាក់បំផុត​តាមដែលអាចធ្វើទៅបាន ដើម្បីឱ្យ​អតិថិជន​បាន​ដឹង ​និងយល់​ពី​អ្វីដែលអ្នក​បានប្រឹងប្រែង​បម្រើជូន​ពួកគេ​ ទោះ​កំហុស​ខ្លះអាច​​កើត​ឡើង ដោយសារតែអតិថិជន​ខ្លួន​ឯង​យល់ច្រឡំក្តី​ និង​ខ្លះ​ទៀតក៏អាចមក​ពី​ខាងអ្នកក្តី។​

៧. ឱ្យតម្លៃ​ដល់បុគ្គលិក៖ ចំណុច​នេះ​ក៏ពិតសំខាន់​ណាស់ ប្រសិនជាអ្នក​គិតតែ​ឱ្យ​តម្លៃលើ​អាជីវកម្មអ្នកនិងអតិថិជន​ខ្លាំងពេក​ ហើយ​ភ្លេច​បំពេញតួនាទីជាអ្នកដឹកនាំ​ល្អ​ ក្នុងការ​ឆក់យក​បេះ​ដូង​បុគ្គលិក​របស់អ្នកនោះ​ វាក៏នឹងបណ្តាលឱ្យ​អាជី​វកម្ម​​ដំណើរការមិនល្អ​ទៅតាមហ្នឹងដែរ​ ដោយ​សារ​តែ​ពួកគេ​គិត​ថា​ អ្នក​ប្រហែល​មើល​មិនឃើញ​នូវការប្រឹងប្រែង​របស់ពួកគេនោះទេ។​ ដូច្នេះ អ្នកត្រូវតែ​​ចាត់ទុកបុគ្គលិក​មានសារៈសំខាន់ស្មើទៅនឹងអតិថិជន​ដែរ​៕

 

Pin It on Pinterest